Enquire Now

Request A Quote

युट्यूब चिन्ह चॅनल :



पहिल्याच कार्यक्रमाला अभूतपूर्व प्रतिसाद !  

आज हे लिहीत असताना युट्यूब ''चिन्ह''च्या चॅनलवर चित्रकार राजू सुतार यांचा व्हिडिओ शनिवारी संध्याकाळी ०५.३० वाजल्यापासून आज सोमवारी सकाळी १० वाजेपर्यंत तब्बल १००० पेक्षा जास्त कलारसिकांनी पाहिल्याची नोंद झाली आहे. ही खरोखरच चित्रकलेच्या दृष्टीने अभूतपूर्व अशी गोष्ट आहे. 

२०१२ साली १४व्या अंकानंतर ''चिन्ह'' अंक बंद करताना मनात एक रुखरुख लागून राहिली होती की इथून पुढं कसं काम करायचं वगैरे. ऐन भरात असताना अंक बंद करावा लागणं याची सल देखील खूपच मोठी होती. पण ''चिन्ह''चं युट्यूब  चॅनल सुरू झाल्यानंतर आणि विशेष करून कोरोना लॉकडाऊनच्या काळात ''गच्चीवरील गप्पा'' यासारखा कार्यक्रम फेसबुकवर सुरु झाल्यानंतर ती सल काही प्रमाणात कमी झाली होती. पण आता मात्र युट्यूब चॅनलवर लाईव्ह प्रक्षेपण सुरु झाल्यानंतर ती सल पूर्णपणे नाहीशी झाली आहे. या माध्यमातून एका वेगळ्या पद्धतीनं हजारोच्या नव्हे तर लाखो लोकांपर्यंत आपण जाऊ शकतो हा विश्वास आमच्यात निर्माण झालाय यात शंकाच नाही. 

प्रचंड मोठा वाद निर्माण होऊनसुद्धा राजू सुतार यांच्याशी गप्पागोष्टींचा कार्यक्रम अत्यंत निर्विघ्नपणे पार पडला ही  ''चिन्ह''च्या आजवरच्या ३५ वर्षाच्या कामाला मिळालेली दादच आम्ही समजतो. राजू सुतार यांचं अत्यंत मृदू , शांत, संयमी वागणं, विचारपूर्वक व  अत्यंत अभ्यासू पद्धतीनं उत्तरं देणं हे बहुदा कलारसिकांपर्यंत योग्य पद्धतीने पोहोचलं असावं. 

आयुष्यात ज्या अडीअडचणी येतात त्यांचा फारसा बाऊ न करता पाय घट्ट रोवून उभं राहणं हे देखील अनेकांना भावून गेलं असावं आणि म्हणूनच त्यांच्यासोबतच्या गप्पागोष्टींच्या कार्यक्रमाला कलारसिकांचा प्रचंड प्रतिसाद लाभला असावा. युट्यूबचा  मीटर ज्या पद्धतीने वरवर जातोय तो पाहता हा कार्यक्रम लाखो लोकांनी पाहिला तर त्याचं आम्हाला मुळीच आश्चर्य वाटणार नाही. 

एका पद्धतीनं हे लोकशिक्षणाचंच कार्य आहे. ज्या पद्धतीच्या प्रतिक्रिया सामाजिक चळवळीतील कार्यकर्त्यांकडून येत आहेत ते पाहता आधुनिक चित्रकला आणि सामाजिक चळवळी यातलं अंतर  देखील लवकरच निश्चितपणे दूर होईल याची आम्हाला खात्री वाटते.


 महाराष्ट्रातील कलाशिक्षणाचं आजवरच्या राज्यकर्त्यांनी पार मातेरं केलं आहे. त्या पार्श्वभूमीवर चित्रकलेच्या विद्यार्थ्यांना या गप्पागोष्टींमधून खूप काही शिकता येईल असेही आम्हाला मनापासून वाटते. आमच्याशी सहमत होणाऱ्या कलावंतांनी तसेच सामाजिक चळवळीतील कार्यकर्त्यांनी हा व्हिडीओ जास्तीत जास्त लोकांना शेअर करावा अशी आमची विनंती आहे. जे जे हा व्हिडीओ पाहतील त्यांनी आमचं चॅनल सबस्क्राईब करावं, पुढील कार्यक्रमाच्या सूचना मिळवण्यासाठी बेल आयकॉनवर क्लिक करावं, व्हिडीओ आवडल्यास नक्की लाईक देखील करावं आणि प्रश्न असल्यास कमेंट बॉक्स मध्ये आम्हाला कळवावा ही नम्र विनंती . 

Top News

 

News 1

युट्यूब चिन्ह चॅनल :

Read More

News 2

पुन्हा भगवान

Read More

News 3

भगवान चोलामंडलला का गेले ?

Read More

News 4

युट्युबवर चित्रकार प्रकाश वाघमारे यांचा प्रीमिअर

Read More

News 5

शनिवारच्या गप्पांमध्ये भावना सोनवणे

Read More
12345678910...